* 28.10.1928 w Koslowje, † 27.10.2011 w Chrósćicach
Ben Budar bě serbski spisowaćel, přełožowar a dołholětny sobudźěłaćer Ludoweho nakładnistwa Domowina.
Po wopyće gymnazija a Serbskeje wyšeje šule poda so syn małoratarja wot 1951 do 1954 na studij žurnalistiki do Lipska. Na to dźěłaše mjez druhim jako nowinarski a rozhłosowy redaktor, lektor w LND a wot 1981 tež jako redaktor Rozhlada. Naposledku bydleše w starowni swj. Ludmile w Chrósćicach. Wón bu na Budyskim Mikławšku pochowany. Ben Budar pisaše prozu a přełožowaše ze čěšćiny a pólšćiny.
Proza:
- Rebel Jan Čuška (1955)
- Mokrowčenjo (1956)
- Jenseits von Oder und Neiße (1962)
- Ja, kocor Stani (1983)